The Old classroom

የፋሲለደስ ግንባታ አስተባባሪ ቡድን፣ ከህንፃው ግንባታ በተጨማሪ፣ በትምህርቱም ላይ በማተኮር፣   

ለህንፃ ማሠሪያው ከተሰበሰበው ጎፈንድሚ ከተረፈች ትንሽ ገንዘብና በተጨማሪም የአስተባባሪው ቡድን አባላት  በየግላቸው ተጨማሪ አስተዋፅኦ በማድረግ፣ የፋሲለደስ ቁጥር 1ና 2 ተማሪዎች ለ2017 መልቀቂያ ፈተና እንዲዘጋጁ በጀት በመመደብ፣ በት/ቤቱ አሠሪ ኮሜቴ፣ በርዕሰ መመህሩና በመምህራኑ በኩል የማጠናከሪያ ትምህርት እንዲሠጣቸው ተደርጎ የተገኘው ውጤት ሁሉንም ዜጋ የሚያስደስት መሆኑን ለመጋራት እንወዳለን፡፡

በመረጃ በርዕሰ መምህሩ በእንዳለ ታደሰ ወልደስላሴ በተላከልን የተማሪዎችን ውጤት ለማሳወቅ በሚል ደብዳቤ 

ውጤቱ እንደሚከተለው ነው

በፋሲለደስ ግንባታ ቁጥር 1 ትምህረት ቤት ለ300 ተማሪዎች የማጠናከሪያ ትምህርት የተሠጠ ሲሆን፣ ከነዚህ መሀከል 270 ተማሪዎች የዩኒቨርሲቲ መግቢያ ውጤት አስመዝገበዋል፡፡ በፐርስንት ሲታይ ዘጠና ፐርሰንት (90%)

በተጨማሪም ከነዚህ መሀከል 15 ተማሪዎች ከ 495 – 534 ከፍተኛ ነጥብ አግኝተዋል፡፡

ሁላችንም እንኳን ደስ ያለን

የፋሲለደስ ቁ 2 የተወሰኑ ተማሪዎችም የማጠናከሪያ ትምህርት የተሠጣቸው ሲሆን ዝርዝሩ ለጊዜው ባይደርሰንም

ባጠቃላይ በቁጥር 1ና2 500 ተማሪዎች የማጠናከሪያ ትምህርት ተሠጥቷቸዋል፡፡ ከቁ 2 ጋር ሲደመር ለዩኒቨርሲቴ ያለፉት ተማሪዎች 377 ነው፡፡ ይህም በፐርሰንት ሲታይ 75.5% ነው፡፡ 

እንደገናም አንኳን ደስ ያለን፡

የተለየ አዲስ ለመስራት ሳይሆን ለአመታት ብዙ ተማሪዎችን ያስመረቀው የፋሲለደስ ት/ቤት ህንፃ በማርጀቱ የትምህርት ገበታ ላይ ባሉ ተማሪዎችና መምህራን እላያቸው ላይ ይናዳል የሚል ሥጋት በመፈጠሩ፣ በተጨማሪም በዚህ ሥጋት ምክንያት አንዳንዶች ህንጻዎች ለአገልገሎት እንዳይውሉ መታገዳቸውን በመመልከት፣ ትውልድ አሻጋሪ የሆነው ትምህርት ተጓጉሎ ትውልድ ወደኋላ መቅረቱ ያሳሰባቸው ተቆርቋሪዎች ት/ቤቱን በአዲስ መልክ ለመሥራት፣ የከተማው ነዋሪ ዜጎች፣ የጎንደር ዩኒቨርሲቲ ባለሙያተኞች እናም ሌሎች ተቆርቋሪዎች፣ ከሀገር ውጭ ደግሞ በፋሲለደስ መረዳጃ ማህበር ስር የተደራጁ ዜጎች ተነጋግረው አስፈላጊው ጥናትና መዋቅር ከተዘጋጀ በኋላ፣ በውጭ አገር ግን የት/ቤቱን ሥራ በሚመለከት ከፋሲለደሰ መረዳጃ በላይ ሰፋ በማለት አዲስ አሰተባባሪ ቡድን በማዋቀር እንቅስቃሴ ተጀመረ፡፡